General Santos City— Personal nga bangi ang ginatan-aw nga motibo sa kapulisan sa Police Station 4 sa pagpamusil sa usa ka sundalong si Sgt. Jason Lao, 34 anyos nga taga Davao ug nakabasi sa Joint Task Force Gensan.
Sumala kang Police Chief Inspector Joel Martinez, hepe sa Police Station 4 nga basi sa ilahang gihimo nga imbestigasyon, kalit lang nga gipusil sa suspek ang biktimang si Aries Joyno, 33 anyos.
Daplis lang matud pa sa bukton ug tiyan nga bahin ang naangkon sa biktima ug swerteng wala mapuruhan kung asa narekober sa crime scene ang basyo sa kalibre 45 nga armas.
Dugang pamahayag ni PCI M+artinez nga sa karon ilaha pang ginasuta kung unsa nga armas ang gigamit sa suspek sa maong pagpamusil gumikan wala man nila kini narekober sa crime scene.
Pagpaklaro niini nga nakig-alayon na kanila si Col. Adonis Bajao, albaw sa JTF Gensan aron nga mapasurender ang nasangpit nga sundalo.
Kasong frustrated murder ang nakatakdang ipasaka sa suspek human sa maong panghitabo.
