Malaybalay City, Bukidnon – Naghulat na lang matud pa ang Department of Social Welfare and Development kon DSWD Region 10 sa opisyal nga deklarasyon sa Armed Forces of the Philippines kon AFP ug LGU-Marawi kung hingpit na bang makabalik ang mga internally displaced persons kon IDPs human nga gideklara ni Pangulong Rodrigo Duterte nga gawasnon sa terorista ang siyudad.
Sa interview sa RMN ngadto kang Jamila Taha, disaster grievance officer sa DSWD Region 10 gibutyag niini nga isip naa sa ground ug in-charge sa clearing operation mag-agad lamang sila sa anunsiyo niini.
Una nang gipahayag ni Taha nga gikalipay sa mga IDP’s ang deklarasyon sa Pangulo ug gusto na matud pa kining mu-uli sa ilang dapit.
Dungan niini matud sa opisyal nga kinahanglan pa nga ipasabot pag-ayo sa mga IDP’s ang proseso sa clearing operation.
Matud ni Taha nga nakatakdang magtigum ang task force bangon Marawi aron mahisgutan ang sunod nga lakang nga pagahimoon sa siyudad.
