Upat ang arestado sa sunod-sunod nga operasyon batok illegal drugs sa PDEA ug PNP sa North Cotabato niadtong nakalabayng adlaw.
Sa M`lang, ang PDEA Cotabato Provincial Office ug M’lang Municipal Police Station ang nagpahigayon ug buy-bust operation sa Purok 2, Brgy. Bialong nga miresulta sa pagkasikop sa suspek nga si Ron Carlo Dayo Alias Hammer, 29, single, driver, residente sa barangay Poblacion B.
Nadakpan ang suspek human nga napalitan ug usa ka sachet sa gituohang shabu sa PDEA agent bugti sa P 500.00 nga buy-bust money.
Nakuha usab sa posisyon sa suspek ang usa pa ka sachet sa shabu nga gibana-banaang anaa sa 0.25 nga nagkantidad ug P1,700.00.
Samtang sa area sa Kabacan, walo ka sachets sa suspected shabu ang nakumpiska sa PDEA Provincial Office, Kabacan MPS, 1st and 2nd CPMFC, RMFB 12 ug 90th IB Philippine Army sa implementasyon sa search warrant batok kang Jomar Demaagos Mangakoy, 32-anyos, MILF member ug residente sa maong lugar nga namonitor sa otoridad gumikan sa iyang illegal drug activity niadtong nakalabayng tuig rason nga gibutang kini sa target-list.
Dunay gibug-aton nga more or less usa ka gramo ang nakumpiska nga gituohang droga gikan a posisyon sa suspek kansa nagkantidad ug P6,800.00. Nakuha usab sa operasyon ang caliber .45 pistol nga adunay magazine ug buhing bala.
Samtang sa area sa Kindapawan City, mukabat sa 5 ka small sachets sa gituohang shabu, nga may timbang nga usa ka gramo ang nakumpiska sa panimalay ni Jocente Aro , 29-anyos, ug residente sa Taran Subdivision, Brgy. Poblacion sa maong syudad. Human ang pipila ka oras, laing operasyon ang gihimo sa balay ni Cyrus Austien Rabago Butigan, 20-anyos, nga nahimutang sa Purok 4, Brgy. Magsaysay kung asa nakuha ang 5 ka pakete sa pinaugang dahon sa marijuana nga may gibug-aton nga , 15 ka gramos ug nagkantidad ug P1,800.00 .
Nag-atubang ang mga suspek ug kalapasan sa Article II sa RA 9165.
Ang operasyon ang resulta sa pagtinabangay sa PDEA, local police ug BADACs, nga nagtumong nga hinluan ang mga barangay batok illegal drugs.
credit PDEA 12
