Natigayon ang sunod-sunod nga engkwentro tali na sa tropa sa 88th Infantry “Maringal” Battalion, Philippine Army ug sa grupong NPA ilawom sa Guerilla Front Malayag, SRC2, NCMRC nga gipangunahan ni Kim Banawan alyas MIGS sa bukid nga bahin sa Barangay Canangaan, Cabanglasan, Bukidnon niadtong adlaw nga Lunes.
Sa unang hugna sa engwkentro, milungtad sa 15 minutos ang binayloay sa mga bala tali sa kasundaluhan ngadto sa mukabat sa 20 kapin kon kulang ka mga NPA.
Nagresulta kini sa pagkarekober sa military upat ka mga M16 Rifles, usa ka Carbine, usa ka Improvised M203 Grenade Launcher, assorted medicines, ug personal belongings.
Samtang nagpahigayon ug clearing operation ang kasundaluhan sa encounter site, nahitabon ang ikaduhang engkwentro batok sa 15 kapin kon kulang ka mga NPA. Siin didto narekober na usab sa kasundaluhan ang usa ka C4 land mine, duha ka Anti-personnel mines, unom ka mobile phones, usa kalaptop computer upat ka M14 Magazines, (3) Burners, assorted mga tambal, personal belongings, duha ka mga Identification cards nga adunay pictures, ug mga subversive documents nga adunay high intelligence value.
Sa interview sa RMN ngadto kang Cpt. Rene Belmonte, ang civil military operations officer ug spokesperson sa 403rd Infantry Brigade, PA, gibutyag niini nga walay natala nga namatay ug nasamdan sa habig sa kasundaluhan apan dako ang ilang pagtoo nga adunay nasamdan o kaha namatay sa pikas grupo.
Ang mao nga grupo sa mga NPA ang gitudlong suspek sa pagpanunog sa mga ekipo sa usa ka quarry site sa Valencia City niadtong Hunyo 19 ning tuiga, paglabay ug Granada sa PNP Checkpoint sa Brgy. Cabulohan sa lungsod sa Cabanglasan niadtong Hunyo 1 ug pag-landmine sa patrol car sa Cabanglasan PNP niadtong Hunyo 2.
