Sa interview sa RMN Malaybalay ngadto kang Junar Merla, Consumer Protection Division sa DTI-Bukidnon, gibutyag niya nga sunod-sunod ang gipahigayon sa buhatan nga inspection ug enforcement sa fair trade laws sa mga esblishemento diri sa probinsya sa Bukidnon.
Wala na gihinganli ni Merla ang mga establishemento apan gisulti niya nga aduna matud pay pipila nga mga nakalapas diin walay mga igong dokumento pagpamaligya ilabi na mga electrical products.
Sa karon, ginatutukan na sa buhatan ang enforcement tungod kay sa milabayng tuig 2022 human na ang ilang pagpahimangnu sa mga establishemento maong sa karon gihatagan og 48 oras nga makahatag og tubag kabahin sa kalapasan.
Pipila sa mga produkto nga walay mga igong dokumento mao ang mga electrical plugs, rice cooker ug uban pa.
Gipahimangnuan ni Merla ang mga konsumante nga magmabinantayon sa pagpalit sa maong mga produkto nga kinahanglang adunay Philippine Standards (PS) Marks ug Import Commodity Clearance (ICC) aron nga masiguro ang kaluwasan ug malikayan ang mga insidente sa sunog.
