i Balita
November 10, 2019
(Photo from web)
SUNOD-SUNOD NGA PAGKAARESTO SANG MGA ESTUDYANTE SA BUYBUST OPERATION, ALARMING SUNO SA IPPO
Alarming para sa Iloilo Police Provincial Office ang pagdamo sang kaso sang mga kabataan kag estudyante nga nagaka-ulamid sang illegal nga druga.
Ini ang nangin kabahin sang pahayag ni Pol. Major Jonathan Pinuela kasunod sang pagkatikma sang duha ka mga estudyante sa syudad sang Passi kahapon sang hapon.
Suno sa kay Pinuela target subong sa ginabaligyaan sang druga, ang mga estudyante okon mga millineals.
Nagbatyag sang kaluoy si Pinuela sa mga ginikanan nga nagahilibion kasonud sang pagkatikma sang ila mga anak nga naga-eskwela pa.
Sang damlag lang natigayun nga matikma sang IPPO ang duha ka estudyante sa syudad sang Passi kon sa diin isa sa mga ini ang naka-agi na surrender apang liwat naman nga nagbalik sa paggamit sang druga kag ang masubo nagaduso na sang illegal nga druga.
Nahibaluan nga natikma sanday Darwin Carbolido 19 anyos BS Marine Student sang is aka unibersidad sa syudad sang Iloilo kag Pumoloyu sang Brgy. Bitaogan, Passi City kag si Charlie Laruya, 20 anyos sang Brgy. Agtambo Passi city kag is aka estudyante sa syudad sang Passi.
Nakuha sa duha ang walo ka sachet sang suspected shabu nga nagabalor 8 ka libo ka pesos kag 3 pa ka sachet sa nasambit nga illegal nga druga.
