Davao City – Natala ang tulo ka managlaing sunog dinhi sa syudad sa Davao kagahapong adlawa ug kaganinang kadlawun.
Sa report sa Bureau of Fire Protection kun BFP XI, miulbo ang usa ka sunog sa may Panacan ning syudad alas 9:30 sa buntag kagahapon diin mokabat sa 15 milyones ka pesos ang kinatibuk-ang damyos.
Alayon niino, dili pa matumbok sa BFP XI ang hinungdan sa pag-ulbo sa sunog sa carbon company nga nahimutang sa maong lugar.
Sa imbistigasyon ni Senior Fire Officer 3 Cipriano Gonzales, grabe na matud pa kaabog ang pipila ka ekipo sa production area nga posebling maoy rason sa pag-ulbo sa kalayo butang padayon pa nilang gisayod sa imbestigasyon.
Samtang gituohang wire nga nalanay ang hinungdan sa pag aso sa usa ka kan-anan sa may 2nd floor sa Gmall Bajada alas-8:08 kagabii.
Giingon ni Davao City Dire District spokesperson SFO2 Ramil Gillado nga midikit ang maong wire sa panghaw ug tungod sa sobra kainit niini nalanay ang maong wire apan iyang giklaro nga walay kalayo nahitabo kun dili aso lang gani midamyos ang maong sunog og 2,000 pesos.
Kaganinang alas 3:45 sa kadlawun, nasunog ang stock room sa ikaduhang andana sa usa Oroderm hotel nahimutang sa Magallanes ning dakbayan sa Davao.
Sa esklusibong interview sa DXDC RMN Davao ngadto kang SFO2 officer Jose Puerto sa Bureau of Fire of Protection nga mokabat sa 10,000 ang damyos niini.
Hinuon walay natala nga nasamdan sa tulo ka mga insidente sa sunog.
RadyoMaN Joel Viay, Don Pulayao, Abi Bibera
