Sa pakighinabi sa DXDC RMN Davao kang Police Major Catherine Dela Rey, tigpamaba sa PRO-XI, iyang gisaysay nga ilang nadawat ang mga report kalabot sa pagpanulis, ug alayon niini, ilahang gipaningkamutan nga maresolba ang mga kaso ug mapanubag ang mga resposable sa maong mga insidente.
“Ang directive sa atoang Regional Director nga ila gyong pahugtan ang ginahimo nilang nga investigation para ma-identify ang mga suspect then mapasakahan og kaso,” matud ni Dela Rey.
Bag-ohay lamang adunay alegasyong pagpanulis sa Monkayo, Davao de Oro. Sa Mati City, Davao Oriental, adunay usa ka babaeng negosyante ang gitulis niadtong, September 18, 2023. Sa Davao del Norte, natangag sa mga kawatan ang milyones nga kantidad sa kwarta ug alahas sulod sa mall niadtong September 6, 2023. Samtang dinhi sa Davao, adunay natigayong pag-ransack sa Puan ug tulis sa Catalunan Grande.
Giawhag usab sa PRO-XI spokesperson ang mga establisemento nga magbutang og closed-circuit television (CCTV) cameras nga makatabang aron mapadali ang ginahimo nga imbestigasyon sa otoridad.
RadyoMaN Kirby Manzon
