Davao City – Gideklara karon sa Mawab Municipal Disaster Risk Reduction and Management Office (MDRRMO) nga ‘unsafe’ kun dili na luwas ang nahimutangan sa tulo ka pamilya sa Kilometer 74, Purok 1B, National Highway, Barangay Sawangan, Mawab, Davao de Oro.
Sa pag-inspeksyon sa MDRRMO Mawab sa area, nakita nga naghinayhinay na og kahulog ang yuta ug lapok sa likod sa maong mga balay.
Sa pagkakaron, giabisohan na ang apektadong mga pamilya nga temporaryo usa nga muhikling sa luwas nga lugar o pinuy-anan. Wala usay natala nga injured o casualty tungod sa insidente.
Samtang, nagpahigayon usab og clearing operation ang Department of Public Works and Highways (DPWH) Davao de Oro sa Kilometer 69, National Highway, Barangay Tuboran, Mawab tungod sa natigayon nga mudslide.
RadyoMaN Kirby Manzon
Facebook Comments
