Nagalab-ot na sa 32 ka insidente sang sunog ang narekord nila sa sulod sang duha ka bulan halin Enero tubtob Pebrero sa diin nalakip na dire ang sa syudad sang Koronadal sang Miyerkules sang gab-i nga natabo bag-o pa man ang fire prevention month base sa ila nga datos, suno kay Provincial Fire Marshall Milo Manlabao sang Bureau of Fire South Cotabato.
Samtang base sa ila datos ang pinakadaku nga insidente sang sunog ang sa bahin sang merkado publiko sang banwa sang Surallah kag sa nasambit nga numero kadam-an naman sang nasunog sa probinsya ang puluy-an na.
Ginkumpirmar man ni Fire Marshall Manlabao nga nagalab-ot na sa P16 million ang natuga nga danyos sang nasunog nga mga propiedad sa sulod sang duha ka bulan sa probinsya kag wala man sang casualties.
Naggwa man sa ila nga imbestigasyon suno kay Manlabao nga kadam-an sa nangin rason sang sunog ang tungod sa electrical faulty wirings.
May-angot sini, suno kay Fire Marshall Manlabao subong nga Marso nga fire prevention month nakasentro ang ila nga mga aktibidad sa information dissemination agud nga maaware suno paang katawhan kon paano malikawan ang sunog.
