Ginabanta 14 tubtob 16 ka mga stalls ang nasunog sa Passi City public market pasado ala una kahapon sang kaagahon (Disyembre 23).
Natigayon nga napalong ang kalayo alas 2:39 sang kaagahon.
Ginpahayag ni Passi City Mayor Jesry Palmares, nasunog ang mga stalls sa palibot kag sa guwa sang mayor nga merkado.
Ginapatihan nga electrical fault ang gintunaan sang sunog kon sa diin posible suno sa iya nga overloaded ukon may wala naggabot nga plug sang appliances nga nagresulta sang sunog.
Subong man padayon pa nga gina-imbestigaran sang Bureau of Fire Protection agud matumod kon ano gid ang ginhalinan snag sunog kag kon pila ang kabug-usan nga kahalitan nga natuga sini sa mga tag-iya sang stalls.
Facebook Comments
