Naglab-ot sa masobra 50 ka mga pamalay ang natupok sang kalayo sa sunog nga nagluntad pasado alas 9 sini nga gab-i (Enero 14) sa duha ka magkaingod nga barangay sa Molo, ang Barangay Taal kag barangay MH del Pilar, Molo.
Ginpahayag nga naghalin ang kalayo sa kusina sang balay ni Yog-yog Acotillar, hinablos ni Punong barangay Paterno Acotillar Jr.
pasado na alas 10:30 sang gab-i sang ma-control sang mga bombero ang kalayo.
Bangud sa sunog, magaserbe nga evacvuiation center sang mga nasunugan ang Iloilo City National High School kon sa diin gilayon man nga ginrespondehan sang mga katapo sa CSWDO.
Nagpasalig man si Mayor Joe Espinosa III nga pagahatagan sang Financial Assistance ang mga nasunugan kon sa diin 7 mil pesos ang mabaton sang mga tag-iya sang balay nga totally damaged kag 5 mil pesos para sa partially damaged.
kadungan sini nagpanawagan ang Alkalde sang bulig para sa mga biktima sang sunog.
