Sunog miulbo sa Sandawa

Davao City – Pasado alas-2:00 Huwebes sa kaadlawon naalarma ang mga residente sa Purok 69, Sampalok St., Phase 1, S.I.R. Sandawa Brgy. 76-A siyudad sa Davao.

Kini human miulbo ang sunog sa kusina nga bahin sa panimalay sa pamilyang Lopez.

Sa interbyu sa RMN Davao kang Antonio Lopez, tag-iya sa balay, giangkon niini nga wala mapalong ang kalayo sa kusina human nagluto niadtong tungora.


Matud pa nahulog ang baga sa ubos nga bahin ug didto nagsugod ang kalayo ug paspas nga mikanit resulta sa pagkasunog.

Naabtan na lamang sa mga ka bomberohan nga napalong na ang kalayo pinaagi usab sa pagtinabangay sa mga residente sa maong lugar.

Nadamyos ang usa ka Yamaha single nga motorsiklo samtang walay nasamdan o napaso atol sa maong insidente.

RadyoMaN Don Pulayao

Facebook Comments