SUNOG NAGLUNTAD SA TANZA ESPERANZA, APAT KA BALAY TOTALLY DAMAGED KAG PITO ANG PARTIALLY DAMAGED

21

Apat ka balay ang totally damaged kag pito ang partially damaged sa nagluntad nga sunog kaina sang hapon (Pebreo 23) sa Barangay Tanza Esperanza City Proper.
Nagsugod ang sunog mga alas 2:18 sang hapon kag gindeklarar nga fire out mga alas 3:01 sang hapon.
ang mga balay nga totally damaged ginapanag-iyahan nanday Arnold Martinez, Nilda Balajadia, Dennis de Oca kag Oliver Rojo.
Naglab-ot naman sa 20 ka pamilya ang apektado sang sunog nga may kabug-usan nga 79 ka indibidwal kag yara karon sa barangay gym nga nagserbe nga evacuation center.
Sa karon padayon pa nga gina-imbestigahan sang Bureau of Fire Protection kon ano ang gintunaan sang sunog kag kon pila ang natuga nga kahalitan sa mga nasunugan.

Facebook Comments