Sunog nagtuhaw sa isla it Boracay

80

Boracay — Gina bana-bana nga kapin sa 20 ka mga panimaeay rong nasunog sa natabong sunog kahapon sa Sitio Pinaungon Ibabaw, Balabag, Boracay, Malay, Aklan.
Base sa record it BFP Boracay nag umpisa ro sunog mga bandang alas 5:30 it hapon ag mga alas 7:00 eon it gabii nadeklara nga fire under control.
Ro lugar nga nasunog hay residential area ag kaeabanan ko mga baeay hay himo sa light materials.
Sa makaron hay 25 ka pamilya ukon 91 ka mga individuals rong apektado ko nasambit nga sunog ag padayon ra makaron nga gina validate ag gina double check it mga ahensya it gobyerno para nga mataw an it naga kaigo nga assistance.
Temporaryo man anay nga maga tinir ro mga nasunugan sa evacuation center ag covered court ko nasambit nga barangay.
Under investigation pa sa makaron it BFP rong ginhalinan it sunog ag kung sa anyong baeay raya nag umpisa.

Facebook Comments

From Advertisers