58-anyos nga construction worker napungitan

21

Molave, Zamboanga del Sur – Samad ug bun-og sa lawas ang nahiaguman sa 58-anyos nga construction worker human kining napungitan sa nagdagan nga Yamaha Sniper sa Provincial Highway, Barangay Culo, Molave, Zamboanga del Sur alas 8:30 kaganihang buntag.
Sa inisyal nga imbestigasyon nasayran nga samtang nagdagan ang motorsiklo nga gimaneho ni PFC Rolan Patangan Perocillo, 27-anyos, gikan sa lungsod sa Tambulig paingon sa Upper Landing Dumingag niining probinsya aksidente nga napungitan ang nagbarog nga biktimang si Eduardo Damines Tomarong, 58-anyos, Barangay Culo, Molave.
Nawad-an og kontrol ang driver hangtud nga nibangga kini sa konkreto nga poste ug nahagba ang driver sa daplin sa kalsada rason nga nakabbaton usab og mga pangus sa lawas.
Human sa hitabo dali nga gidala sa managlahi nga ospital ang driver ug ang napungitan nga construction worker.
Ang motorsiklo kasamtangan nga gikostudiya sa Molave Municipal Police Station.

Facebook Comments

From Advertisers