Altavas, Aklan — Padayon pa makaron nga gina imbestigahan it Bureau of Fire (BFP) Altavas rong natabong sunog kahapon it hapon sa Catmon, Integrated School.
Suno kay FO1 Ricky Bautista nga bali nabaton nanda rong firecall mga alas 5:00 ag insigida sanda nga nag responde sa area.
Pag-abot sa lugar nagakasunog eon rong sangka classtoom nga kaiping it principal’s office nga 2 storey ag ginabueoligan it mga tawo nga paeongon.
Nagpatigayon man dayon sanda it pagbomba it tubi sa nagakasunog nga classroom pero nagpangayo pa sanda it bulig sa BFP Balete ag pag abot nanda hay nagpatigayon it mapping operation.
Na fire out daya mga alas 5:45 eon it hapon.
Kaeakip sa mga nasunog hay rong mga bangko, gamit sa kusina ag pag eaha ag iba pa.
Sa makaron hay indi pa masayuran kon siin maghalin rong kaeayo ag kon pila rong danyos sa nasambit nga sunog.
