LTO-Malay Extension Office bukas eon

Kalibo, Aklan – Bukas eon para sa mga motorista rong extension office it Land Transportation OffIce sa Sitio Bacolod, Brgy. Caticlan, Malay, Aklan.
Ginhiwat ro nasambit nga inagurasyon ko Disyembre 6, 2019 nga ginpangunahan ni LTO assistant regional director Atty. Gaudioso Geduspan II ag ni Mr. Marlon Velez rong LTO Chief it Aklan.
Sa pagbukas ko nasambit nga opisina indi eon kinahangean nga magbiyahe ag mag-adto pa iya sa banwa it Kalibo rong mga gusto nga magparehistro, magbuoe it lisensya, magpa renew ag iba pang transaction ko mga taga banwa it Buruanga, Malay, Tangalan, Nabas ag Ibajay, Aklan, kamana man ro mga taga Pandan, Libertad,ag Culasi sa Antique.
Bangud ko pagbukas it nasambit nga extension office hay mabawasan man ro pag ginutok ag mapamayad-ayad rong serbisyo sa Kalibo district office ag sa LTO San Jose, Antique Office.

Facebook Comments