General Santos City- Patay ang usa ka lalaki human nga masunog ang usa ka panimalay sa may Prk. Quilantang Village, Barangay Calumpang ning syudad sa Heneral Santos, alas 2- kaganinang kaadlawon.
Ang biktima ang nailang si Bonifacio Bigbig, 36 anyos og residente sa maong lugar. Sumala pa sa inisyal nga imbestigasyon sa Bureau of Fire Protection -Gensan pinaagi ni SFO1 Makakuna Tumambiling ang imbestigador sa BFP-GENSAN, nga nakaplagan na lamang wala na’y kinabuhi ang maong lalaki sulod sa CR.
Sumala pa sa mga kaubanan sa biktima nga kalit na lamang nilang namatikdan nga miulbo na ang kalayo sa ilahang panimalay.
Apan ang biktimang namatay ang sa CR matud pa midagan. Minor lang ang naangkon nga sunog sa lawas sa biktima apan tungod sa aso, na suffocate kini hinungdan sa iyahang kamatayon.
Mokabat sa 35-mil ka pesos ang damyos sa maong sunog.
