BACOLOD CITY – Onse tanan ka mga puluy-an ang gintupok sang kalayo sa nagluntad nga sunog mga las 11:40 kagab-I sa Purok Paloma, Brgy. 16, ciudad sang Bacolod.
Pito sa mga nasunog ang totally gutted by fire samtang apat diri ang partially damage.
Base sa record sang Bacolod Bureau of Fire Protection ang mga puluy-an nga gintupok sang kalayo ang ginapanag-iyahan nanday Neneng Ballesteros, Francisco Regalado, Jayme Lo, Elmer Cordero, Terry Basola kag Rosalinda Gentileso.
Ginpahayag sang mga witness nga ang kalayo ang naghalin sa puluy-an ni Neneng Ballesteros.
Apang, ginpahayag ni Brgy. 16 Punong Barangay Junjun Ligaya nga sa karon nagapadayon ang imbestigasyon sang Bureau of Fire kon bala ano gid ang gintunaan sang amo nga sunog.
Gilayon naman nga naghatag sang pauna nga bulig ang barangay sa mga nasunugan kon diin ini sila karon ang yara temporaryo nga naga tener sa ila mga himata sa amo man nga barangay./dyHB BACOLOD
