Sunog sa Mansilingan 10 ka balay gintupok sang kalayo, damage naglab-ot sa P250k

BACOLOD CITY – Ginabulubanta nga nagdangat sa kapin P250 mil pesos ang kahalitan sang sunog nga natabo kahapon sang hapon sa Purok Kahirup B, Brgy. Mansilingan, Bacolod City.

Sa amo nga sunog nga nagluntad may mga las 5:30 sang hapon, kapin sa napulo ka mga puluy-an ang gintupok sang kalayo.

Base sa initial investigastion sang arson division sang Bacolod Bureau of Fire Protection, ang sunog nagsugod sa balay ni Ledia dela Cruz kag madasig nga naglapta sa mga kaingud nga puluy-an nga kalabanan human sa light materials.


Suno sa BFP nga sa karon padayon pa nila nga ginatumod kon bala ano ang gintunaan sang sunog nga nagdangat sa third alarm.

Matapos ang halos isa ka oras nga pagpakig-away sa amo nga sunog, ini ang gin-declare nga fire out may mga las 6:30 sang gab-i.

Wala sang may ginreport nga napatay ukon nasamaran sa amo nga insidente. Madumduman nga sadtong November 4, 2017 kapin sa 15 man ka mga puluy-an ang gintupok sang kalayo sang magluntad ang sunog sa amo man nga lugar.

Facebook Comments