Pagadian City – Paig ang duha ka kusinera human sila malukong sa pagka sunog sa ilang gitrabahuan nga kan-anan dihang miulbo ang kalayo pasado alas 3:00 kagahapon sa hapon nga milamoy sa tulo establisyemento nga nahimutang sa F. Jamisola Street ning syudad sa Pagadian.
Karung buntag na nakuha ang patay nga lawas sa mga biktima nga sila si Juvelita Canoy 51 anyos, lumulupyo sa Purok Silao, Dumagoc ug Meluna Sanchez .
Naugdaw ang building nga gipanag-iyahan sa Leticia chiong og mikatag sa CDA Building Region 9.
Sa interview sa RMN Pagadian kang Sr. Inspector Rheno Cimafranca ang Provincial fire marshall mibaot sa ikalima nga alarma ang sunog rason nga niresponde na ang fire truck sa matag munisipyo sama sa Auirora, Midsalip, Tukuran og San Pablo.
Sigon ni Cimafranca mokapin sa 5 milyones ang danyos sa maong sunog, gisuta pa ang sinugdanan sa kalayo.
Miangkon ang opisyal nga naglisud sila pagpalung sa kalayo gumikan sa status sa maong building nga puno sa panapton.
