Moabot sa 88 ka mga panimay ang naapektohan sa sunog kaganinang alas 2:00 sa kadlawon sa 6.5 ektaryang relocation site sa Barangay Paknaan sa dakbayan sa Mandaue .
Ang kapitan sa Barangay Paknaan Malacquias Soco nibutyag nga ang mga nasunugan temporaryo una nga nipuyo sa covered gym sa relocation site , samtang nagpadayon ang clearing sa lugar nga nasunugan .
Ang Mandaue City Social Welfare Office daling nitubag sa panginahanglan sa mga nasunugan pinaagi sa paghatag kanila ug pagkaon sud sa tulo ka adlaw, mga gamit sa pagkatug , hygiene kits ug ubang gamit.
Padayong gisusi sa Mandaue City Fire Department ang hinungdan sa sunog nga gitohoang nagsugod sa panimay sa usa ka Estella Abad ug gibana-bana nga nidanyos ug dul-an sa P500,000.
Facebook Comments
