General Santos City– Nagpadayon pa ang gihimong imbestigasyon sa BFP-Gensan kalabutan sa nahitabong sunog niadtong adlaw nga Sabado pasado Ala1:00 sa hapon sa silway sta. Cruz, sakop sa Barangay West, ning dakbayan.
Pagbutyag ni SF03 Rey Emperio ang Chief Investigator sa BFP Gensan nga nagapangalap pa sila sa pagkakaron ug dugang mga impormasyon nga maoy makatabang sa ilang imbestigasyon aron nga masayran ang hinungdan sa sunog.
Anaa matud pa sa 40 hangtod 50 ka mga panimaly ang naugdaw sa sunog ug gibana-bana-ang mokabat sa P420, 00 ang nahimong damyos ug pwede pa kining mabag-o kung makahatag na ang matag panimalay sa sakto nilang damyos sa nasunog nilang mga balay.
Kahibaloan nga alas 2:40 na sa hapon na niadtong Sabado, gideklara sa ground commander nga fire out na ang maong sunog ug dunay mga natala lamang nga mga minor injuries nga gilayon man usab natambalan sa medical team.
Sa pagkakaron ang mga pamilya sa nasunugan ang anaa sa silway sta. Cruz, basketball court termporaryong nagtinir sa lugar. (Reynald Timario)
