Roxas City, Capiz- Duha ka mga poluy-an ang totally burned samtang apat naman ang partially burned matapos nagluntad ang sunog kaina sang aga sa Luna Novicio Street, Brgy. 1 syudad sang Roxas.
Gintupok sang kalayo ang boarding house nga ginapanag-iyahan sang mag-asawa nga Manuel kag Josie Arcenas samtang partially burned naman apat ka iban pa.
Suno kay SFO2 Marlon Garbo sang Roxas City Fire Station, naghalin ang kalayo sa hulot nga gina-okupahan ni Marlyn Aringo antes nga naglaton sa mga kahilapit nga mga hulot. Samtang kalakip man sa mga nadalahig kag nasunog ang mga importante nga kagamitan sang mga naga-okopar sa amo nga boarding house.
Ginsiling dugang ni Garbo, ginabanta nga nagalab-ot sa P700, 000 pesos ang kahalitan sang amo nga sunog samtang sa subong padayon pa ang imbestigasyon sa ginhalinan sang sunog.
Nahibaluan nga alas 11:14 na sang aga sang gindeklarar sang mga katapo sang pamatay sunog nga ini ang fire-out.
