General Santos City–Ugdaw ang mga gamit sulod sa opisina, lawak tunghaan og lawak sa tag-iya human nasunog ang vocational school nahimutang sa JP Laurel Street, Barangay Dadiangas North ning siyudad mag-alas 8 sa gabie adlawng Byernes.
Sumala ni SFO2 Nelson Enong ang ground commander sa nirespondeng mga bombero sa Bureau of Fire Protection kauban ang mga fire volunteers sa pribadong kompanya na ang nasunog mao ang Sta. Maria School of Paramedics & Technology Inc.
Gisuta sa mga bombero ang sulod sa dos andanas nga gambalay tungod baga na ang aso apan wala kayo nigawas ang kalayo gumikan sa baga nga sementong pader sa tunghaan.
Gisaysay sa nakapangayo og tabang nga salon owner katapad sa vocational school nga si Maureen Uptial nalisang sila lakip ilang mga customer tungod sa pagkasunog sa tunghaan og maayo na lang kay walay nadamay nga katapad nga panimalay gawas sa ilang katigulangan nga nireklamo og paglisod sa ginhawa gumikan sa nahanggap nga aso.
Nasayran nga gitabang sa pag-rescue ang mga sakop sa City Disaster Risk Reduction and Management Council aron maatiman ang mga tigulang.
