Sunog Wala Kapugong sa Paghigugma Alang sa Señor Sto. Niño

55

Masulub-on apan madasigon gihapon nga nanayaw ang mga performers nga gagikan sa Tribu Mahugyawong Pasil atol sa Sinulog sa Barangay sa Dakbayan 2018, bisan pa man sa balita nga adunay sunog nga miulbo sa Brgy. Pasil pasado alas-dose na sa kaudtuhon karung adlawa.
Akong nakahinabi ang usa sa mga supporters sa maong contingent nga si Dave Alcano, pung pa niya nga daghang mga performers sa Pasil ang biktima sa maong sunog. Dugang pa niya nga wala naman silay nahimo apan kahibaw silang di sila pasagdan sa balaang bata. Usa sa mga contingent nag-ingon pa nga walay makapugong sa ilang pagsayaw, makaguol man apan ang tanan alang lamang kang Senyor Sto. Nino.
Banabana pa nga mga 150 kapin ka balay ang naigo sa maong sunog nga gideklarang kontrolado na usab sa 2:45 sa hapon.
Sources: News5, Photo by The Freeman

Facebook Comments