General Santos City–Ugdaw ang bunk house sa mga pulis nga nahimutang sa likod nga bahin sa karaang building sa Police Station 5 human kining gilamoy sa kayo alas 2:00 pasado ang takna kaganinang kabuntagon.
Sumala ni SFO2 Macacuna Tumambiling, Arson Investigator sa Bureau Of Fire Protection Gensan nga mukabat sa unom ka mga lawak ang nasunog apil na ang mga gamit sulod niini ug personal nga gamit sa mga pulis sama nalang sa pusil.
Nasayran nga pag abot sa mga bombero sa lugar, dako na kaayo ang sunog human paspas nga gilamoy sa kalayo gumikan gama sa light materials. Alas 4:00 pasado na dihang gideklarang fire out ang maong sunog.
Facebook Comments
