General Santos City—Ugdaw ang usa ka karenderya nga nahimutang sa may Highway nga sakop sa Purok Kulasi, Barangay Labangal, Gensan alas 12:30 kaganinang tungang gabie.
Ang karenderya gipanag-iyahan sa usa ka Atty. Landero nga residenti ning syudad.
Subay sa pahayag sa usa ka residenti sa lugar nga si Bert Andong nga nakalitan nalang sila dihang mikalit ug ulbo ang kalayo.
Nagtinabangay ang mga residenti sa lugar nga kini apulahon apan gumikan gama sa light materials ang maong karenderya paspas ra kini nga naugdaw ug wala na natabang pa sa mga personahe sa Bureau of Fire Protection.
Nasayran nga kasamtangan nga ginapailawom sa renovation ang maong karenderya aron unta himuong restaurant. Apil nga nasunog ang mga gamit sulod sa maong karenderya sama nalang sa refrigerator, aircon, oven ug uban pa.
Sa karon ginasuta pa kung unsa gyud ang hinungdan sa maong sunog ingon man ang damyos niini.
