Supervisor sa hardware nga gipusil sa parking area, namatay sa ospital

51

GENERAL SANTOS CITY- Nagsubo karon ang pamilyang Pescador sa Barangay Fatima human mitaliwan kagabie ang padre de pamilya samtang nahimong talandugon ang kahimtang dihang gidala sa St. Elizabeth Hospital.

Ang 37 anyos nga si Glen Pescador nga in-charge sa warehouse sa Ecco Hardware sa Pioneer Avenue maoy ulahing biktima sa pagpamusil sa siyudad sa Gensan nga nakaangkon og samad pinusilan sa iyang wala na bahin sa dughan og hawak.
Nasayran dungan nanggawas ang mga trabahante gikan sa hardware aron manguli dihang nadunggan ang buto sa armas og nakit-an nga natumba ang biktima gawas sa iyang nakaparada nga sakyanan sa parking area.


Gidali pagdala ang biktima sa ospital sakay sa traysikel apan pag-abot sa oras nga alas-6 sayong kagabhion nabugtoan sa kinabuhi ang nasangpit.
Walay narekober ang kapolisan sa Pendatun Police Station sulod sa crime scene nga empty shell sa armas nga gigamit sa shooter.
Daghang angulo nga gilantaw karon ang kapolisan sa motibo sa maong krimen.
For more info’s and updates, like and share our official facebook account : www.facebook.com/ifm91.9Gensanofficial/

[image: gipusil.jpg]

Facebook Comments

From Advertisers