Gapang-bote bakal gidakop tungod sa armas og shabu

GENERAL SANTOS CITY- Naghimas rehas sa selda sa Tambler Police Station ang 21 anyos nga si Wendel Saligan, residente sa Purok Ondok Gawan, Barangay San Jose ning dakbayan kini human gidakop sa Teritoryo San Miguel, Fil-Am Road, Fatima gumikan sa iligal nga armas og droga.

Base sa imbestigasyon sa kapolisan, mga sakop sa City Intelligence Branch ang nagdakop sa suspek.
Nalambigit matod pa sa pipila ka serye sa pagpanulis ang suspek nga si Saligan didto sa area sa Barangay Fatima og Tambler.
Apan gipanghimakak usab kini sa suspek.
Iyaha matod pang napalit ang .38 caliber revolver gikan sa junk shop.
Wala niya masayran nga pusil ang iyang napalit hinungdan iyahang gibaligya apan didto sa poseur-buyer nga pulis ang iyahang nakatransaksyon.

Sa dihang kini gidakop narekober ang armas nga may tulo ka bala og narekisahan pa og duha gagmayng pakete sa shabu sa iyang bulsa.
For more info’s and updates, like and share our official facebook account : www.facebook.com/ifm91.9Gensanofficial/


[image: sikop ang namote bakal.jpg]

Facebook Comments