Bastante ang supply sang Medical Grade Oxygen (MGO) Tanks South Cotabato base sa ginhimo nga monitoring sang Department of Trade and Industry ukon DTI-South Cotabato.
Suno kay DTI Provincial Director Rictoniel Reginio, apat ka mga retailers/distributors sang medical grade oxygen ang nagaexister sa probinsya ang tigayon nila nga namonitor.
Ginkumpirmar man ni Reginio nga ginmonitor man nila ang Gensan Industrial Gas Corporation (GICGC), ang nagaisahanon nga manufacturer sang Medical Grade Oxygen (MGO) nga may PS License Holder sa Region 12 nga sertipikado nga magrefill kag magbaligya sang MGO.
Ginsiguro naman suno pa sang pamunuan sang Gensan Industrial Gas Corporation (GICGC) nga bastante ang suplay bisan pa nga madamo ang order sang mga distributors, mga ospital kag mga indibidwal nga nagakinahanglan sang oxygen tanks.
Pahayag ni Reginio nga kaya sang nasambit nga manufacturer ang 320 ka tangke sa sulod sang isa ka adlaw.
Base sa ila monitoring suno kay Reginio wala sang nagakatabo nga hoarding kag istable man ang presyo sang Medical Grade Oxygen (MGO) Tanks sa probinsya.
Ang nasambit nga tikang sang ahensya ang bilang sabat sa ginalauman nga pagtaas sang demand sang produkto kadungan sang pagsaka sang kaso sang Covid-19 tungod sa delta variant sa pungsod.
