[image: Patay.jpg]
Gideklarang dead on arrival sa gobyernong ospital sa Gensan ang suspek nga suplayer matod pa og shabu sa mga parokyano sa dakbayan human nisukol sa police operation sa Purok 6, Saway, Labangal gahapon sa hapon.
Giila ni Police Chief Inspector Patrich Elma ang hepe sa Police Drug Enforcement Unit sa dakbayan ang suspek sa pangalang Raymund Alisin alyas Dongkoy, 35 anyos way trabaho og residente sa maong lugar.
May naangkon nga multiple gunshot wound ang suspek nga si Alisin human nakigpinusilay sa mga pulis dihang namatikdan niini nga pulis ang iyang nakatransaksyon.
Nibunlot kini og .38 revolver og gipusil ang pulis nga si PO2 Jun Elma nga naigo sa walang bahin sa batiis samtang napatay sad sa operatiba ang suspek.
Dugang ni PCI Elma nga anaa sa watchlist ang pangalan sa napatay nga suspek.
Nakarekober ang SOCO Team didto sa crime scene og unom ka pakete sa shabu, 500 pesos nga marked money ug armas sa suspek.
