[image: e78f4d5d6c4e6f5fa4b580baad32a39a.jpg]
Nahagbong na sa kamot sa Glan Municipal Police Station ang suspek sa pagpusil patay sa usa ka sakop sa kapolisan sa munisipyo human nga nagtago-tago og halos tulo ka tuig human ang krimen.
Giila ang suspek sa pangalang Gregorio Array hamtong ang edad og nag-atubang sa kasong murder ug qualified direct assault with attempted murder nga nasikop niaging Setyembre 30 ning tuiga.
Nasayran nga igo rang nag-serve of arrest warrant sa may Purok Krisbla, Brgy. Congan, Glan ang napatay nga pulis na si SPO1 Rodolfo Turtal kauban si PO3 Siegfried Sarcon batok sa wanted nga si Ariel Array.
Apan dihang gipusasan nangayog tabang ang suspek ngadto sa iyang mga kabanay nga armado sa shotgun og mga hinagiban hinungdan gipangpusil ang mga pulis.
Napurohan si SPO1 Turtal apan nahimo niyang makabawi og napatay ang suspek nga si Ariel ingon man ang laing duha nga silang Deo Array ug Carino Lipay.
Nakalingkawas si PO3 Sarcon samtang padayong gipangita ang laing walo pa ka mga suspek nga suspek gihapon sa maong krimen.
