Mukabat sa tag kwatro mil ka pesos ang nadawat sa muabot sa 110 ka mga miyembro sa mga rescuers gikan sa mga barangay nga ginsakupan sa lungsod.
Matag Barangay adunay lima ka miyembro nga nabansay sa pagresponde kung adunay emerhinsiya o katalagman sa kinaiyahan.
Ang kwarta nga ilang nadawat nagsilbing pinaskuhan sa Lokal nga Pangagamhanan sa Manolo Fortich.
Atol sa programa, nipaabot sa iyang dakong pasalamat si Mayor Quiño ngadto sa tanang miyebro sa BOR tungod sa ilang tiunay nga paghatag og serbisyo hilabina ngadto sa mga nanginahanglan panahon sa emerhensya.
Ang mga Barangay Organic Rescuers sa matag zona sa 22 ka Barangays nipailawom og mga pagbansay gikan sa Respond Quickly Team kon RQRT nga unang namugna ni Mayor Quiño tuig 2007. Sa iyang mensahe, nagmalaumon si Mayor Quiño nga mapadayon ang panaghiusa ug pagtinabangay sa mga BOR hilabina panahon sa emerhinsiya.
