SUPORTADO | Pagproteher sa Visayan Sea, ginaduso sang lima ka mga gobernador sa Visayas

Roxas City, Capiz- Lima ka mga gobernador halin sa Visayas ang nagkomiter nga pasangkaron ang mga tikang agud nga maprotektahan ang kadagatan sa Visayas sa ginpatigayon nga 10th Governors Summit for the Visayan Sea sang nakaligad nga Setyembre 28, 2018 sa Sheridan Boutique Hotel sa Oton, Iloilo.
Suno kay Governor Tony del Rosario, kaupod sanday Negros Occidental Governor Alfredo Marañon Jr, Iloilo Governor Arthur Defensor, kag mga representante sang gobernador sang Cebu kag Masbate, ginpirmahan ang kasugtanan nga maga-adoptar kag maga-implementar sang framework para sa restorasyon kag proteksyon sang Visayan Sea.
Suno diri nga katuyoan sini nga mabuligan ang pangabuy-an sang mga magagmay nga sahe sang mangingisda sa Visayas.
Samtang ginasigahom nga magapahamtang sang mga ginatawag nga “jackstones” sa panghigaron sang kadagatan agud nga bawalan nga magsulod ang mga dalagkoan nga mga fishing vessels.

photo © Maria Elena San Jose/Rappler

Facebook Comments