Roxas City, Capiz – Nagpakita sang ila nga pagsuporta ang pila ka mga nurses nga membro sang Philippine Nurses Association- Capiz Chapter sa implementasyon sang Salary Grade 15 para sa ila sektor.
Ang nasambitan nga aktibidad ang nag-umpisa pinaage sa isa ka motorcade halin sa Capiz Doctors Hospital sa diin nag-agi ang mga ini sa Capiz Emmanuel Hospital, St. Anthony College Hospital, Health Centrum Hospital samtang nangin endpoint naman amo ang Roxas City Bandstand kun sa diin ila nga ginpanawagan kag ginpakita ang pagsuporta sa nasambitan nga proposal nga paghimo P30, 000 pesos bilang starting ukon entry salary sang mga nurses.
Nahibaloan nga bwas nga adlaw isa ka hearing ang igapatigayon angut sa ginaproponer nga nga increase sang sweldo sang mga nurses sa pribado kag pampubliko nga mga ospital.
Suno kay Rep. Carlos Zarate sang Bayan Muna kag isa sa mga nagaduso sa nasambitan nga hagna nga ini ang mangin sabat sa panawagan sang mga government workers kag nurses nga mataas nga cost of living sa Pilipinas.
photo © PNA-Capiz/Joms Devano
