Wala pa naaprobahan sang mga katapo sang Sangguniang Panlalawigan sa ginpatigayon nila nga regular session sang Lunes kag kahapon nga adlaw ang P68, 985,000.00 nga Supplemental Budget no. 2 sang provincial government sang South Cotabato subong nga tuig.
Nahibaluan nga ginhingyo ni South Cotabato Governor Reynaldo Tamayo Jr., sa SP nga i-urgent ang pag-aproba sang Supplemental Budget no. 2 tungod magakadto ini sa palay support sang provincial government nga nagakantidad sang P10 million, Educational
Assistance nga nagakantidad sang P5 million, establishement sang centralized dialysis center nga nagakantidad sang P11.3 million kag iban pa.
Suno kay South Cotabato Vice Governor Vicenti de Jesus wala man napresentar sa plenaryo sang Committee on Finance nga ginapamunuan ni Board Member Noel Escobillo ang committee report angot supplemental budget number 2 subong nila nga semana nga regular session.
Ini matapos nga may pronouncement si Governor Reynaldo Tamayo Jr., sang Lunes nga adlaw nga mamakal na sang produkto nga palay sa mga mangunguma sa probinsya ang provincial government subong nga adlaw kon naaprobahan sang SP ang pondo para sa palay procurement nga nalakip sa SB no. 2.
Samtang ginpaklaro ni De Jesus nga wala ginatulugan sang SP ang supplemental budget no. 2.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
