Magaumpisa na subong nga adlaw ang supplemental immunization para sa type 2 polio vaccine sa bug-os nga probinsya sang South Cotabato nga target ang mga kabataan nga nagaedad sang 0 tubtob 59 ka bulan ukon lima ka tuig panubo.
May-angot sini, liwat nga ginaawhag ni Dr. Rogelio Aturdido Jr., Provincial Health Officer sang South Cotabato ang mga ginikanan nga pabakuhan ang mga kabataan batok polio tungod ini ang epektibo suno pa nga pamaagi nga malikawan ang nasambit nga balatian.
Hingyo niya man sa katawhan nga bantayan ang ido agud maproteksyunan man ang mga health workers sa tion nga magbalay-balay sila.
Magadugay naman ang supplemental immunization batok polio sa Disyembre 7 subong nga tuig.
Nahibaluan nga nagalab-ot sa 114 mil ka mga kabataan edad 0 tubtob 59 ka bulan ang target sang Provincial Health Office sang South Cotabato nga mabakunahan batok polio.
