Supplier sang manok nga ginkuhaan sang Iloilo City government para sa mga 4p’s Beneficiaries wala pa nabayaran

Wala pa nakabaton sang bayad gikan sa City government si Mr. Gaspar Igona nga amo ang supplier sang mga manok sa mga 4p’s beneficiaries.

Suno kay Igona, dapat siya bayaran bangud iya lang ginasunod ang kontrata kon sa diin 300 grams ang kabug-aton sang mga manok nga ipanagtag sa mga benepisyaryo.

Dugang pa ni igona nga naglab-ot na sa 3, 150 ka mga manok ang iya nahatag sa syudad kon sa diin, tag-625 ang napanghatag sa Mandurriao , Baluarte kag La paz nga ginabug-usan sang 125 ka sulog kag 500 ka munga.

Samtang, 1, 250 naman ka mga manok ang napanghatag sa City proper.