Indi pierde ang syudad sang loilo sa 198.50 nga bili sang kada manok nga ipanghatag sa mga benepisyaryo sang Pantawid Pamilyang Pilipino Program ukon 4P’s para sa ila livelihood.
Ini ang sabat ni Mr. Gaspar Iguna , tag-iya sang F*oodwealth Agro Vet* Trading kag amo ang supplier sang 17 500 kabilog nga mga manok nga ihatag sa mga 4p’s beneficiaries tuhoy sa isyu nga tuman ini kamahal.
Base sa mga dokumento nga gina-uyatan ni Iguna, iya ginpahayag nga tama-tama lang ang presyo sang mga manok bangud madamo sang kagastuhanan kon madamo man ang mga manok nga gina-sagod.
Suno kay iguna, siya lang ang may kapasidad nga mag-supply sang 17 500 kabilog nga manok matapos ang negotiated bidding kag iya lang ginsunod kon ano ang yara sa procurement .
Ginbweltahan man ni Iguna ang mga nagakwestyon nga *piso* (chicks) ang iya gin-supply.
” Piso kuno ang gindeliver. . . bal-an ko gani ang sa mga terminology sang sapat, indi bala ang piso, chick . . ang chick kon sa English Webster dictionary either female or male chicken , indi mo ma identify kay piso. . ang akon ya ma-identify na kay ngaa, isa ka rooster kag apat ka munga. . ma-identify na . . .teh sin-o nagsiiling nga piso ang gindeliver ko? ”
Dugang pa ni Iguna, husto lang ang kadakuon sang mga manok nga ihatag sa mga 4p’s beneficiaries.
Iya ginpahayag nga kon dalagko na gid ang mga manok, posible himuon ini nga inasal sang mga benepisyaryo apang kon indi pa tuman ka dako, sagudon nila ini kag mangilin ang mga benipisyaryo nga ihawon ang mga manok.
Nahibaluan nga pagahatagan sang City Government sang mga manok nga ginalakipan sang apat ka munga kag isa ka sulog ang mga 4P’s beneficiaries para sa ila pangabuhi-an.
(photo from web)
