General Santos City—Gihingusgan ni Department of Agriculture Secretary Manny Piñol nga dili kulang ang supply sa bugas sa nasud pilipinas.
Kini ang nahimong pahayag sa opisyal atol sa paghidangat niini sa Kiamba, Sarangani Province kagahapong adlawa atol sa pag turn-over niini ug 18 million fishport project ug 25 ka mga bangkang panagatan ngadto sa mga mananagat sa maong lungsod.
Sumala sa opisyal nga NFA rice lang ang kulang sanglit walay problema sa supply sa NFA rice sa nasud, gani unang higayon matud pa nga nagbaton ug 3 million sacks sa bugas ang buffer stocks sa nasud sulod sa 96 ka adlaw.
Dugang pagbutyag ni Sec. Manny Piñol nga Gisakyan ra matud pa sa mga negusyante ug bugas ang isyung kulang sa supply sa bugas ang NFA aron nga sila makausbaw sa presyo sa commercial rice.
Apan hugtanong gihingusgan sa opisyal nga walay rason nga magpasaka ug presyo sa bugas ang mga negusyante ug commercial rice tungod sobra-sobra ang supply niini. Nasayran nga una nang gipalagan ni Sec. Piñol ang gihimo sa ubang negusyante nga misaka na ngato sa 45 ngadto na sa 50 matag kilo ang ang ilang baligya sa Commercial rice.
Hinuon nakig-alayon na ang kalihim ngadto sa Department of Trade and Industry aron nga masuta kinsa kining mga negusyantengnag-usbaw sa presyo sa ilan baligyang bugas.
