GENSAN – WALAY angayang kabalak-an ang supply sa bugas sa Sarangani ug General Santos kini luyo paman sa nasinatian nga El Nino Phenomenon sukad pa sa uwaheng kwarter sa milabayng tuig.Kini ang gibutyag ni Alma Tanada, licensing officer sa National Food Authority kon NFA. Sa kasamtangan sumala ni Tanada, mokabat ngadto sa 364, 664 bags ang anaa karon sa bodega sa NFA.Sa Sarangani Province bugtong ang adunay harvest mao lang ang munisipyo sa Maitum. Wala usay procurement sukad niadtong bulan sa Enero tungod walay gasulod nga bugas gikan sa lokal.Padayon usabang monitoring sa NFA sa mga nag-unang merkado sa Gensan ug Sarangani aron maseguro nga dili abusuhon sa mga traders ang sitwasyon nga walay harvest ug labaw sa tanan malikayan kini paghalo sa NFA ug Commercial rice. (Inah Daven DXMD RMN GENSAN)
