Bastante ang supply sang mga karne sa panahon sang paskwa bisan nga nagataas ang demand sa panahon sang okasyon.
Suno kay Agriculture Secretary Manny Piñol, indi pagkulangon ang mga karne sang manok, baboy kag baka sa holiday season bisan nga magataas ang porsyento sang pagkinahanglan sini sang mga pumuluyo sa paskuwa.
Ginpahayag pa ni Piñol nga indi na apektado sang anuman nga sakit ang mga manokan sa Luzon.
Ginhatagan pagtamod sini nga sa karon may nadihon na sila nga mga pamaagi kon paano i-handle ang kaso sang avian influenza ukon bird flu agud indi na maapektuhan ang industriya.
Gin-athag man ni Piñol ng bisan ang supply sang isda kag iban pa nga mga marine products kag subong man ang mga utanon ang bastante man base sa pagkinahanglan sang mga pumuluyo sa panahon sang paskwa kag pagsulod sang bag-ong tuig.
