Nagproblema sa mahina nga supply sang tubig ang delegasyon sang Sultan Kudarat sa ila nga belliting schools sa San Vicenti Elementary kag National High School sa banwa sang Banga, South Cotabato base sa report sang Municipal Disaster Risk Reduction and Management Council (MDRRMC) kahapon nga adlaw sa Provincial Disaster Risk Reduction and Management Office (PDRRMO).
Samtang suno kay PDRRM Action Officer Mila Rivera gilayon naman suno pa nga gin-aksyunan ang nasambit nga problema.
Magluwas sini wala naman sila sang nabaton nga report nga may kapareho nga problema sa iban nga belliting schools.
May-angot sini, suno kay Maam Rivera wala gid man sila sang dalagkuan nga insidente nga narekord kadungan sang ginapatigayon nga SRAA 2018 dire sa probinsya sang South Cotabato.
Kon may-yara man sang narekord nga insidente kapareho sang pagpangawat sa belliting schools kag injuries subong man pagbalatian sang pipila ka delegado sang SRAA 2018 ini ang lunsay minor man lang.
