Patay ang drug personality sa ginpatigayon nga drug buy-bust operation sang gintingob nga pwersa sang Polomolok MPS kag SCPMFC sa koordinasyon sang PDEA sa Prk 9, Brgy. Kinilis, Polomolok, South Cotabato, pasado alas 11 kahapon sang aga, Hulyo 15, 2021.
Ginkilala ang suspek kay Jamali Pianaung Darenoh alias Diamali Darenoh, 26 -anyos , labor haul driver, residente sang Prk. 1, Brgy. Lapu, Polomolok, South Cotabato kag supporter sang DI-SOCSARGEN KHATIBA.
Nagbato suno pa sa mga otoridad ang suspek sang namutikan nga police ang katransaksyon.
Gindala pa sa ospital ang suspek, apang gindeklarar nga dead on arrival sang attending physician tungod sa naangkon nga igo sang bala sa iya nga lawas.
Nakuha naman sa lugar ang tatlo ka basyo sang caliber 9mm, 1 ka unit sang cal .38 revolver, mga bala, sling bag may unod nga 2 ka sachet sang ginapatihan shabu, P1, 000.00 buy bust money kag assorted documents.
May kabug-aton naman nga .03 grams nga nakantidad sang P2, 058 ang nakuha nga iligal nga droa.
Ang nakuha nga armas luthang kag iligal nga droga ang gindala sa SCPCLO para sa laboratory examination.
