*General Santos City—— Gikumpirma ni Police Superintendent Elmer Guevarra ang Officer-in-Charge sa Criminal Investigation and Detection Group 12 nga nakadawat na sila ug order gikan sa higher headquarters nga si Police Superintendent Marvin Marcos na maoy mulingkod isip labaw sa CIDG 12.**Pamahayag niini nga wala nay mahitabo pa nga turn over of command gumikan bakante naman ang pwesto human nga gibalhin sa laing lugar ang kanhi niini Labaw nga si Police Superintendent Felix Servita Jr.*
*Dugang pagbutyag ni Superintendent Gueverra nga sa karon wala pa kini ideya kung kanus-a mu-assume ug office si Superintendent Marcos human kining gihinganlan ni CIDG Director Police Chief Superintendent Roel Obusan nga maoy mamahimong bag-ong labaw sa CIDG SOCCSKSARGEN.*
*Apan dako ang pagtuo ni Superintendent Guevarra nga sa adlaw’ng Lunes na kini mulingkod isip labaw sa CIDG 12.*
*Kahinumduman nga nahimong kontrobersyal si Superintendent Marcos human nga mapatay sulod sa prisuhan si Albuera, Leyte Mayor Rolando Espinosa Sr.*
*Una na kining nag-atubang ug kasong murder gumikan sa maong insidente uban ang laing 15 niini ka mga sakop apan, gipa-ubsan sa Department of Justice ang kaso niini ngadto sa Homicide.*
