Mambusao, Capiz – Nagtapos na ang isa ka semana nga SURGICAL LOCKDOWN sa Poblacion Proper kag Barangay Manibad sa banwa sang Mambusao, epektibo alas 8 kagab-i, Mayo 25, 2021.
Madumsoman nga sang nakaligad nga Mayo 18, ginpakamaayu sang Local Government Unit sang banwa sang Mambusao nga ipadailom sa lockdown ang nasambitan nga mga barangay bangud sa gulpi nga pagsaka sang kaso sang COVID infection.
Apang, ginapahibalo sa gihapon sa tanan nga residente sang amu nga banwa nga ang curfew nga umpisa alas 9 sang gab-i tubtob alas 4 sang aga ang padayon nga igapatuman.
Subong nga adlaw, Mayo 26, 2021 magabukas naman ang Municipal Hall para sa pagserbisyo.
Samtang istrikto nga igapatuman ang pagpanakop sang wala nagasuksok sang facemask kag ipatuman ang nagakaigo nga penalidad sa mga wala nagasunod.
Ginabawalan man ang pagguha sang senior citizens edad 65 – anyos pasaka kag mga minor de edas, 17 – anyos panubo.
Mahibaluan nga base sa status update sang Mambusao COVID-19 Task Force, napulo(10) ang nadugang nga kumpirmado nga kaso sa amu nga banwa kahapon nga adlaw.
