Surigao City Nakasinati na isab nan Linog!

Nakasinati na isab utro an Surigao City nan magnitude 4 sanan 3.7 na gikusgon sa paglinog . Una nan ini an mag.4 na gikusgon sa may alas 9:13 sa kagabhion sanan tagsundan pa nan mag 3.7 pagka alas 9:54 an oras, Septembre 2,2017. Nakurat sanan nahadlok na isab an mga Surigaonon sa kalit na paglinog bisan paman kon mas hinay og dali ra ini na moabot lamang sa isa ka segundo kon ikompara sa 6.7 magnitude na linog na nasinati nan jadton milabay na Pebrero 10 kuman na tuig diin miresulta sa kamatayon nan otso ka mga individual sanan gatusan isab an samaran.Tagpasabot nan PHIVOLCS na ini isa lamang ka aftershocks o kabahin gihapon sa makusog na pagtay-og nan jadton milabay na Pebrero. Hinuon wayay naitala na damyos sa amo na pagtay-og pero nakapokaw gihapon sa kahadlok og nerbyos sa mga residente sa syudad sanan sa mga silingan na munisipyo sa provincia nan SDN lakip na an lungsod sa San Francisco.