General Santos City— Parte sa internal cleansing sa kapulisan ang gihimong lock down sa Camp Fermin Lira kung asa gi-check ng tanang mga sakyanan nga anaa sa sulod sa kampo mapa-motorsiklo man o mga 4-wheeled vehicle.
Sumala kang Atty. Richard Opinion, City Director sa Internal Affairs Service nga tumong niini aron masayran kung matinumanon ang kapulisan sa balaud trapiko.
Lakip sa ilahang gisuta mao ang masigurong dili carnap o recovered evidence ang maong mga motorsiklo ug mapakita sa publiko nga unang ginahinluan anghan-ay sa kapulisan aron masigurong mapatuman ug saktong balaud ngadto sa mga sibilyan.
Dugang pamahayag ni Atty. Opinion nga random ang plano sa maong inspection apan gumikan sagad sa mga tag-iya sa motorsiklo ang wala nag-cooperate hinungdan nga tanang motorsiklo ang ilahan gisuta.
Pagpaklaro nia nga ang maong aktibidad ang gihimo aron mapakita ngadto sa kapulisan nga dili tungod sila mga pulis, exempted na sila sa balaud.
Pagpakita lang matud pa kini nga ang mga pulis nga maoy nagapatuman sa balaud ang kabalo usab magtuman kung unsa ang balaud ug mahimo silang sumbanan sa katawhan pinaagi sa pagtuman sa simpleng regulasyon.
